Arweinydd Safon Cydraddoldeb y Gweithlu: Yr Athro Anton Emmanuel
Arweiniodd yr Athro Emmanuel raglen Safon Cydraddoldeb Hil y Gweithlu (WRES) GIG Lloegr yn ystod y pandemig ac ymunodd â Phartneriaeth Cydwasanaethau GIG Cymru yn 2023 i arwain ar weithredu'r WRES yng Nghymru. Mae’r Athro Emmanuel, drwy ganolbwyntio ar sicrhau bod data yn sbarduno atebolrwydd mewn sefydliadau, wedi dod â’i brofiad o GIG Lloegr i sicrhau bod datblygiad WRES yng Nghymru yn cael effaith. Er 2023, mae safon casglu data wedi'i sefydlu ar draws gofal cymdeithasol yn ogystal â gofal sylfaenol a gofal eilaidd. Cafodd data sefydliadol wedi'u teilwra mewn modd manwl eu cyflwyno, ac mae'r daith o drosi mewnwelediadau data i drefn newid prosesau bendant wedi dechrau. Er bod ffordd bell i fynd o hyd o ran gwneud cynnydd, mae tystiolaeth o gynnydd cynnar wedi'i chofnodi yn yr adroddiadau cenedlaethol (dolen).
Dros amser, bydd WRES yn fodd o fesur newid ac effaith camau gweithredu eraill yng Nghynllun Gweithredu Cymru Wrth-hiliol sy'n anelu at sicrhau bod Cymru yn genedl wrth-hiliol erbyn 2030.
Mae Anton yn parhau i fod yn glinigydd, yn Athro Niwro-Gastroenteroleg yng Ngholeg Prifysgol Llundain ac yn Gastroenterolegydd Ymgynghorol yn Ysbyty Coleg y Brifysgol ac Ysbyty Cenedlaethol Niwroleg a Niwrolawdriniaeth.
Mae Grŵp Gweithredu Prosiect ynghyd â swyddogion Llywodraeth Cymru a phartneriaid cyflenwi allweddol yn cefnogi’r Athro Emmanuel.