Trwy ein 4 ffrwd gweithgaredd o ddiwylliant, gweithlu, rhannu gwybodaeth a diffinio blaenoriaethau ymchwil byddwn yn ysgogi gwelliant sylweddol yn ansawdd a maint yr ymchwil sy’n dylanwadu ar arfer a pholisi er budd iechyd pobl Cymru a thu hwnt.
Mae ein hargymhellion yn cynrychioli’r camau cyntaf ar gyfer cynyddu capasiti a gallu gweithwyr fferyllol proffesiynol yng Nghymru i gefnogi, ac yn y pen draw arwain, ymchwil amlddisgyblaethol ym maes iechyd a gofal, yn enwedig yn ymwneud â diogelwch a defnyddio meddyginiaethau.
Er mwyn galluogi hyn rydym hefyd yn anelu at ddarparu adnodd canolog o gyngor ac arweiniad i gefnogi ymchwilwyr fferylliaeth yng Nghymru.