Cwyr clustiau
Mae rhagor o wybodaeth am sut i hunanreoli casgliad o gwyr clust ar gael ar wefan Llywodraeth Cymru.
Beth allwch ei wneud am gwyr sy'n cronni yn y clustiau?
Os nad ydych wedi cael UNRHYW heintiau ar y glust yn ddiweddar (o fewn y chwe wythnos ddiwethaf), tyllau ym mhilen y glust), llawdriniaeth flaenorol ar y glust neu hanes o daflod hollt, gallwch ddefnyddio olew olewydd yn eich clustiau er mwyn helpu i feddalu'r cwyr yn y glust. Os oes gennych hanes o heintiau clust cyson neu ddiweddar, tyllau, taflod hollt neu wedi cael llawdriniaeth ar y glust, cysylltwch â'ch meddygfa am gyngor.
Mae'n bwysig NA FYDDWCH yn defnyddio ffyn gwlân cotwm nag unrhyw ddyfais arall yn eich clust gan fod risg o niwed neu o wthio'r cwyr ymhellach i lawr, sy'n ei gwneud yn fwy anodd ei drin.
Bydd angen i chi brynu olew olewydd (ar gyfer eich clustiau) o'ch fferylllfa leol. Mae ar gael fel arfer fel diferion neu chwistrell. Efallai y bydd yn haws defnyddio chwistrell. Ni chynghorir cynhesu'r olew olewydd a dylai ei ddefnyddio ar dymheredd yr ystafell.
Sut i ddefnyddio olew olewydd yn eich clustiau:
-
Gorweddwch ar eich ochr gyda'r glust berthnasol yn wynebu tuag at i fyny. Tynnwch y glust am yn ôl ac i fyny’n ofalus i agor corn y glust ac i'w sythu. Bydd hyn yn caniatáu i'r diferion fynd yn ddyfnach i'r glust.
-
Dylech adael i dri diferyn olew olewydd dreiddio i'ch clust (neu ei chwistrellu deirgwaith os ydych yn defnyddio cynnyrch olew olewydd). Efallai y bydd yn ddefnyddiol i chi gael rhywun gyda chi. Yna tylinwch y man o flaen y glust yn ysgafn.
-
Gorweddwch yn llonydd am o leiaf bum munud er mwyn sicrhau bod y diferion olew olewydd wedi treiddio'n briodol.
-
Os oes angen i chi drin y ddwy glust, trowch drosodd ar eich ochr arall ac ailadroddwch y broses. PEIDIWCH Â rhoi gwlân cotwm neu bapur toiled yn eich clustiau gan fod hyn yn gallu amsugno'r olew, gan adael y cwyr yn sych ac yn galed.
Mae rhagor o wybodaeth am wasanaethau Awdioleg y GIG sydd ar gael yn eich ardal ar gael drwy fynd i wefan eich Bwrdd Iechyd lleol isod.
Mae Bwrdd Iechyd Prifysgol Aneurin Bevan yn gyfrifol am wasanaethau’r GIG yn:
Blaenau Gwent
Caerffili
Sir Fynwy
Casnewydd
Torfaen
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Aneurin Bevan.
Mae Bwrdd Iechyd Prifysgol Betsi Cadwaladr yn gyfrifol am wasanaethau’r GIG yn:
Ynys Mon
Gwynedd
Conwy
Sir Ddinbych
Sir y Fflint
Wrecsam
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Betsi Cadwaladr.
Mae Bwrdd Iechyd Prifysgol Caerdydd a’r Fro yn gyfrifol am wasanaethau’r GIG yng Nghaerdydd a Bro Morgannwg.
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Caerdydd a’r Fro.
Mae Bwrdd Iechyd Prifysgol Cwm Taf Morgannwg yn gyfrifol am wasanaethau’r GIG yn:
Pen-y-bont ar Ogwr
Merthyr Tudful
Rhondda Cynon Taf
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar wefan Bwrdd Iechyd Prifysgol Cwm Taf Morgannwg.
Mae Bwrdd Iechyd Prifysgol Hywel Dda yn gyfrifol am wasanaethau’r GIG yn:
Sir Gaerfyrddin
Ceredigion
Sir Benfro
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Hywel Dda.
Mae Bwrdd Iechyd Addysgu Powys yn gyfrifol am wasanaethau GIG ym Mhowys. Mae rhagor o wybodaeth am wasanaethau Awdioleg y GIG yn yr ardal hon ar gael ar Wefan Bwrdd Iechyd Addysgu Powys.
Mae Bwrdd Iechyd Prifysgol Bae Abertawe yn gyfrifol am wasanaethau GIG yn Abertawe a Chastell-nedd Port Talbot, yn ogystal â rhai gwasanaethau rhanbarthol arbenigol. Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Bae Abertawe.