Tinitws
Tinitws yw'r enw ar gyfer clywed synau nad ydynt yn dod o ffynhonnell allanol. Nid yw fel arfer yn arwydd o unrhyw beth difrifol a gall wella ynddo'i hun. Efallai y byddwch chi'n clywed y synau hyn mewn 1 glust neu'r ddwy glust, neu yn eich pen. Efallai y byddant yn mynd a dod, neu efallai y byddwch yn eu clywed drwy'r amser.
Nid yw bob amser yn glir beth sy'n achosi tinitws, ond mae'n aml yn gysylltiedig â:
Rhyw fath o golled clyw.
Cyflyrau fel diabetes, anhwylderau thyroid neu sglerosis ymledol.
Gorbryder neu iselder.
Cymryd rhai meddyginiaethau. Gall tinitws fod yn sgil-effaith i rai meddyginiaethau cemotherapi, gwrthfiotigau, cyffuriau gwrthlidiol ansteroidal (NSAIDs) ac aspirin.
Gall eich meddyg teulu eich atgyfeirio at Awdioleg neu ENT am help a chymorth os yw’r canlynol yn berthnasol i chi:
Rydych yn profii tinitws yn rheolaidd neu'n gyson
Mae eich tinitws yn gwaethygu
Mae eich tinitws yn eich poeni. Er enghraifft, mae'n effeithio ar eich cwsg neu'ch gallu i ganolbwyntio neu'n gwneud i chi deimlo'n bryderus ac yn isel eich ysbryd.
Mae gennych chi tinitws sy'n curo mewn amser gyda'ch curiad y galon.
Mae rhagor o wybodaeth am wasanaethau Awdioleg y GIG sydd ar gael yn eich ardal ar gael drwy fynd i wefan eich Bwrdd Iechyd lleol isod.
Mae Bwrdd Iechyd Prifysgol Aneurin Bevan yn gyfrifol am wasanaethau’r GIG yn:
Blaenau Gwent
Caerffili
Sir Fynwy
Casnewydd
Torfaen
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Aneurin Bevan.
Mae Bwrdd Iechyd Prifysgol Betsi Cadwaladr yn gyfrifol am wasanaethau’r GIG yn:
Ynys Mon
Gwynedd
Conwy
Sir Ddinbych
Sir y Fflint
Wrecsam
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Betsi Cadwaladr.
Mae Bwrdd Iechyd Prifysgol Caerdydd a’r Fro yn gyfrifol am wasanaethau’r GIG yng Nghaerdydd a Bro Morgannwg.
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Caerdydd a’r Fro.
Mae Bwrdd Iechyd Prifysgol Cwm Taf Morgannwg yn gyfrifol am wasanaethau’r GIG yn:
Pen-y-bont ar Ogwr
Merthyr Tudful
Rhondda Cynon Taf
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar wefan Bwrdd Iechyd Prifysgol Cwm Taf Morgannwg.
Mae Bwrdd Iechyd Prifysgol Hywel Dda yn gyfrifol am wasanaethau’r GIG yn:
Sir Gaerfyrddin
Ceredigion
Sir Benfro
Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Hywel Dda.
Mae Bwrdd Iechyd Addysgu Powys yn gyfrifol am wasanaethau GIG ym Mhowys. Mae rhagor o wybodaeth am wasanaethau Awdioleg y GIG yn yr ardal hon ar gael ar Wefan Bwrdd Iechyd Addysgu Powys.
Mae Bwrdd Iechyd Prifysgol Bae Abertawe yn gyfrifol am wasanaethau GIG yn Abertawe a Chastell-nedd Port Talbot, yn ogystal â rhai gwasanaethau rhanbarthol arbenigol. Mae rhagor o wybodaeth am wasanaethau Awdioleg y GIG yn yr ardaloedd hyn ar gael ar Wefan Bwrdd Iechyd Prifysgol Bae Abertawe.